客軍雙箭缺陣 奧克蘭磨利搶破墨城_東方日報

今日中午澳職首輪頭場，奧克蘭FC主場對墨爾本城。上季季後賽冠軍奧克蘭FC雖然換帥，但預計會採用先發制人嘅策略，初段即撳住墨爾本城嚟搶，半場主勝不容錯過。（無綫myTV SUPER周六中午12時直播）文:法達斯維

奧克蘭FC今夏易帥，聘請曾經擔任波圖、羅馬助教嘅葡萄牙教練柏度摩利拉領軍，並帶隊出戰8月底洲際盃；經過1個半月時間與球員磨合，相信可以建立一套適合球隊嘅戰術，聯賽第1擊必定全力爭勝，希望打響頭炮，預料會採取搶攻踢法，力求先下手為強。

客軍雙箭缺陣更濕滯
另邊廂，墨爾本城近年成績走下坡，上季常規賽僅排第6位，今季繼續由維迪馬執教，估計演出難有明顯改善。此外，墨爾本城上季季後賽正正係畀奧克蘭FC踢出局，今仗重遇對手，球員信心難免輸蝕，加上兩大前線主力馬菲歷基及納博特因傷倦勤，攻力進一步受削。翻查雙方近4次交鋒，奧克蘭FC只曾1敗，而且全部上半場取得領先，可見佢哋對親墨城分外搶韁，半場主勝不妨追多鋪。