達拉斯主勝「斯」人醒 都係唔好對侯斯頓戴拿模有太高期望，冇錯佢哋近期係贏過紐約紅牛，不過一旦作客就踢低成班波咁多，今次作客FC達拉斯直情可以吼實對家！（周五4，無綫網絡電視301頻道周六9:00am直播） 真係以為侯斯頓戴拿模喺主場贏到紐約紅牛，對番普通對手會實食冇黐牙，點知上輪美職作客實力平平嘅波特蘭伐木者，竟然由頭輸到落尾，睇番佢哋對上3次作客除咗輸俾伐木者之餘亦不敵洛杉磯銀河，即使係面對住一人球隊紐約城亦贏唔到波，有理由相信佢哋完全唔識作客，面對主場近4戰3勝嘅FC達拉斯真係捧唔落手，係要小心主隊嘅一對射手法比安卡斯迪路同埋巴拉斯佩雷斯有啲回落，贏到都只會係「僅僅熟」。