捧加納讓主利潤「多」   非洲國家盃外圍賽E組賽事，加納嘅榜首位置唔穩陣，今次喺主場對住墊底嘅多哥，「讓主」買得多贏得「多」。（周三5，香港時間周四12:00am開賽） 加納上場大意輸俾烏干達，搞到目前喺E組只係領先烏干達同畿內亞1分，有乜差池隨時係咁先，好在今仗對手多哥近況仲差，上場竟然大敗俾畿內亞1:4，是役睇怕難阻加納「讓主」攞3分。 A組尼日利亞主場對南非都可以睇高主隊一線，因為超霸鷹由教練基舒重新上任之後戰績回升，上場2:0擊敗剛果就係鐵證，而且阿密特穆沙同埋約翰米基爾等星級球員全部有歸隊，今場有權大勝南非益街坊。（周三10，香港時間周四1:00am開賽）